(CNET) – E sitio web cu algun dia tabata rey di e mundo di buskeda online awo no lo ta operacional mas. Microsoft lo permanentemente deshaci di e pagina aki pa asina mehora e experiencia di usuarionan y transferi organisacionnan na e sitio browser nobo yama ‘Edge’ segun e compania.
“Cu un gran cantidad di sitio web cu ta creciendo y no ta sostene Internet Explorer mas, Microsoft Edge ta ofrece un experiencia moderno cu ta mas sigur y mas lihe cu te ainda por habri e sitionan cu ta depende riba Internt Explorer ora cu ta necesario,” Microsoft a bisa den un declaracion.
Cuminsando for di diamars, dispositivonan cu no a ser dirigi for di IE11 na Microsoft Edge lo ser redirigi for di awo en adelante segun Microsoft.
Pa un periodo den pasado, Internet Explorer tabata rey di e mundo online di browser. Den 2003 e tabata controla 95 porciento di e mercado di browser. E dianan di Internet Explorer su reinado a caba hopi tempo atras, y microsoft a crea y muda na Edge. Sinembargo Microsoft su empuhe pa integra Bing cu actualmente tin inteligencia artificial integra, awo a trece interes den ambos.
Ora cu notifica a ser revela cu Microsoft lo deshaci di Internet Explorer a plama zomer ultimo, e reaccion publico tabata emocional y un poco chistoso. E browser a ricibi su propio tumba na Sur Korea.
