Manera a bira conoci siman pasa, Eddy Briesen a wordo nombra como sospechoso di caso Kwihi hunto cu ex minister Chris Romero.
Dia 6 di februari Ministerio Publico den un comunicado a informa cu a tuma luga huiszoekingnan bao guia di hues-comisario relaciona cu un investigacion di algun contracto di servicio cera dor di C.V.J. Romero den su funcion di minister e tempo ey.
E zoekingnan a tuma luga na cuatro adres, manera Ministerio Publico a sigura y ta trata un investigacion di Landsrecherche.
Na e cuatro adresnan aki a tuma entre otro, portadornan di informacion y administracion den beslag.
Caso Kwihi ta un caso penal nobo cu a bira conoci recientemente na unda tambe ta involucra un ex-minister cu den e caso aki tabata minister di Transporte y Comunicacion for di aña 2017 te 2021 den e Gabinete Wever-Croes I, di loke ta trata Eddy Briesen, e tabata fungi como consehero di Gobierno.
For di varios aña pasa ta bin tumando luga casonan penal na unda tin sospecho di corupcion, labamento di placa, entre otro delitonan como esun di ex-minister di partido AVP Tico Croes, Paul Croes tambe ex-minister di partido AVP, Otmar Oduber ex-minister di partido AVP y despues di POR, ademas di otro politiconan cu tambe ta sospechoso den otro caso penal como Alan Howell.
