Dictador Manuel Antonio Noriega, di 83 aña ta den cuido intensivo y den “estado critico”, despues di su di dos operacion cu specialista a realisa diamars den menos di 8 ora, y cu despues di e operacion ey, el a desaroya un hemoragia cerebral, su abogado y yiunan a informa.
“El a sali di su di dos operacion, (…) e proximo ora ta decisivo”, abogado Ezra Angel a bisa. E abogado a informa tambe cu su hemoragia cerebral ta controla y cu e ex-dictador ta permanece den un sala di cuido intensivo di hospital Santo Tomas, na ciudad di Panama.
E recuperacion lo tuma varios dia. E recuperacion di esun cu tabata e homber mas fuerte di Panama entre 1983 y 1989 ta poco poco, actualmente ta bao di un sedante y bao vigilancia constante, despues di realisa su di dos operacion riba diamars conoci como operacion di “craneo habri”.
Noriega ta condena na 60 aña di prison, el a ser hiba for di prison temporalmente na luna di januari, cu obhetivo di prepara su mes pa un operacion den cas di un di su yiunan. E operacion tabata programa pa dia 15 di februari.
Medico priva di ‘Cara de piña’, manera e ex-dictador ta conoci, a diagnostica un tumor cerebral despues cu el a ser repatria pa Francia na december di 2011 y hiba na un prison pa cumpli su condena. Condena cu el a haya pa e crimen di asesinato di un opositor.
Mediconan a bisa cu un masa den cerebro a crece inesperadamente den ultimo dianan, y esey tabata pone den peligro e bida di ex-general Noriega, cu a sufri tambe otro complicacion arterial y cu awor ta desplasa su mes den rolstoel.
