(CuracaoChronicle) – Varios organisacion na Corsou dedica na bienestar animal a cuminsa tuma accion legal contra Curaçao Animal Protection Foundation pa motibo cu nan kier preveni cu ta gara e bestianan y ta mata nan innecesariamente.
Curaçao Animal Protection Foundation tin plan di cuminsa cu un campana grandi unda cu tin e meta di gara bestianan cu ta riba caya. Como parti di e campana aki e personanan cu gara cachonan of pushinan riba caya y entrega esakinan lo ricibi compensacion y e campana aki ta den plan di cuminsa pronto.
Segun Curaçao Animal Protection Foundation, nan ta forsa di mata e bestianan di caya aki pa motibo cu tin un falta grandi di lugarnan di shelter unda cu por laga e bestianan aki. Sinembargo mata e bestianan ta algo cu ta prohibi pa ley. Ademas, e fundacion no a crea shelter tampoco y segun otro organisacionnan dedica na bestianan y e proteccion di esaki, nan a fracasa seriamente den tur aspecto di nan responsabilidadnan como fundacion pa proteha bestia.
Pa para Curaçao Animal Protection Foundation, House of Animals a crea un peticion unda cu ta urgi e gobierno Hulandes bisa Corsou cu mata bestianan ta contra di ley. Pa e mainta cu e peticion a keda publica 10,000 persona a firma esaki.
Curaçao Animal Protection Foundation ta nenga cu nan a haci yamado na pueblo pa trece bestianan y ricibi compensacion pa esaki. Segun e fundacion, esakinan ta boluntario kendenan prome ta ser revisa pa confirma cu nan tin e actitud corecto pa cu esaki y cu ta ricibi un training cortico di con pa gara e bestianan aki di e manera mas amigabel y safe pa ambos e bestia y boluntario cu ta posibel.
E audiencia den corte lo tuma luga riba diamars.
