(ElNacional) – Mas di 400 asosiacion independiente y miembronan di e sociedad civil a manifesta, den un comunicado publica diasabra pa e organisacion Espacio Publico, nan “alarma y rechaso” na e proyecto di ley pa fiscalisa e actuasion y financiamento di e ONGnan na Venezuela, cual su creacion a wordo aproba recientemente den parlamento.
“Nos ta haci yega na e comunidad nacional y internacional nos alarma y rechaso na e Proyecto di Ley di Fiscalisacion, Regularisacion, Actuacion y Financiamento di e Organisacionnan No Gubernamental den un contexto di atakenan y persecucion contra e sociedad democratico di e pais,” e comunicado a indica.
Pa e grupo aki, cu aprobacion defnitivo di e instrumento aki, ta kita e sociedad Venezolano su capacidadnan y libertadnan pa asisti nan mes, organisa nan mes, defende nan, expresa, defende nan derechonan, participa den asuntonan publico y acudi na e solidaridad, proteccion y cooperacion internacional.
E firmantenan, e ONG Venezolano y internacional, a critica cu e contenido di e proyecto legal aki no tabatin ningun discusion y ta conoci solamente di manera informal.
E proyecto, e comunicado a sigui splica, “ta suprimi e derecho humano na libertad di asosiacion y ta cera e espacio civico” y lo permiti tur represalia contra tur forma di asosiacion autonomo di e sociedad Venezolano.
Ademas a grupo a sigura cu entre e disposicionnan di e proyecto legal aki ta plantia sancionnan excesivo, tambe desproporcion pa loke ta e materia di rekisito pa e registro di ONG y un regimen discriminatorio entre e organisacionnan social y esunnan no gubernamental.
E proyecto inicial cu ta fiscalisa e ONGnan, comparti pa algun di e legisladornan, ta contempla boetnan di 12 mil dollar na e gruponan cu no registra den e entidad di control cu nan kier crea y cu no declara e entidad ni di unda e donacionnan ta bin.
