(NLTimes) – Compara cu aña 2020, residentenan di Hulanda awo ta mas preocupa cu desasternan natural manera inundacion y sequia. Mas di 50 porciento ta pensa cu nan yiunan y nietonan no lo por biba na Hulanda. Por lo menos 29 porciento ta pensa e pais lo bira inhabitabel dentro di 100 aña.
Kantar a yega e conclusionnan aki pa medio di haci encuesta na mas di 1,000 residente di Hulanda y compara e resultado na un encuesta similar den aña 2020. E programa di proteccion di inundacion HWBP a comisiona e estudio pa e ocasion di e aniversario di e desaster di inundacion cu a tuma luga den aña 1953.
Apesar di preocupacion tocante inundacion y desasternan natural, Hulanda su residentenan te ainda no ta realisa e tamaño di e areanan vulnerabel na Hulanda. En averahe, e personanan ta pensa cu 47 porciento di Hulanda ta vulnerabel na inundacion, mientras cu e cifra real ta te na 60 porciento. Solamente 23 porciento a bisa cu nan ta mira e area su riesgo di inundacion prome cu nan huur of cumpra vivienda den e area. 65 porciento no sa ki programa ta proteha nan bario. “Esaki ta demostra cu residentenan di Hulanda no ta suficientemente consciente ainda,” HWBP a splica.
Un gran mayoria ta kere cu e cambio di clima lo aumenta riesgonan di inundacion na Hulanda. Y un tercer parti di Hulanda ta demasiado slow den prepara e pais pa inundacion y cambio di clima. “Nivelnan di lama ta hisando y cada biaha nos ta experiencia temponan mas extremo,” Erik Wagener di HWBP a comenta. “Pa mantene Hulanda e delta mas proteha den mundo, e ta importante pa Hulandesnan bira mas consciente cu awa.”
