Recientemente, dia 6 di februari, e gremio sindical y comercial, 10 gremio den total, na Aruba a uni frosa y a manda un carta pa gbierno y companianan estatal di coriente y awa pa cuestiona e tarifa halto di awa y coriente.

Bon Dia Aruba a tuma contacto cu Tisa LaSorte, CEO di Aruba Hotel and Tourism Association (AHATA) pa puntra tocante e carta cu e gremio sindical y comercial a manda pa gobierno, si a ricibi algun reaccion of contesta ariba esaki, si tin algun palabracion haci y con esaki ta afectando nan industria?

“Minister a contesta cu nan lo atende internamente (cu e companianan estatal) cu nos carta y coordina un plan pa consulta cu gremionan,” LaSorte a indica.

Pa loke ta e efecto di esaki riba nan industria, LaSorte a splica, e ta afectando henter Aruba cu ta pagando tarifa hopi halto y mester di e alivio di presion financiero.

Den nan comunicado di dia 6 di feburari, e gremionan a recorda cu ta 6 luna pasa gobierno, WEB y ELMAR a anuncia aumento drastico di tarifa di awa y coriente pa motibo di e crisis di combustibel (HFO) causa pa e guera na Ucrania. Desde cu Rusia a invadi Ucrania na Februari 2022, prijs di combustibel a aumenta y, segun gobierno, WEB a experiencia dificultad financiero.

Nan a sigui splica cu e gremionan tabata informa cu e ahuste tabata temporario, y cu su intencion tabata pa yuda WEB recupera su situacion financiero y priminti cu lo revisa e tarifanan den 6 luna di tempo.

Awor 6 luna a pasa y prijs di combustibel a baha bek mundialmente y nanta remarca cu reduccion di e tarifanan di coriente y awa por trese alivio financiero pa comunidad diAruba, specialmente cu e aumento di impuesto den 2023.

“Gobierno ta anuncia cu e ta revisando e situacion di tarifanan, pero te ainda no tabata

transparente cu e finansas di e compania estatal WEB ni cu e criteria cu ta usa pa baha tarifa di

awa y coriente bek pa comunidad. E carta di gremio ta pidi pa transparencia y ta recorda

gobierno di e peso financiero di e tarifanan halto.” e comunicado ta señala.

E 10 gremionan cu a firma e carta ta: AHATA, ATIA, WAB, CUA, STT, SIMAR, SADA, SEPPA, ABV y FTA.