(AP) – E Union Europeo a sigui dilanti riba diamars cu un plan industrial di tecnologia limpi cual no solamente mester mantene e continenteden vanguardia di crea un futuro mas berde sino tambe garantisa e sobrevivencia economico mientras e ta enfrenta desafionan di China y Merca.
President di e Comision Europeo Ursula van der Leyen a presenta e linea pa su “Green Deal Industrial Plan” cu lo haci esaki hopi mas facil pa crea subsidio pa industrianan berde y e proyectonan pa henter e union cu ta ser mehora pa fondonan grandi mientras e Union Europeo ta pusha dilanti e meta di bira neutral pa e clima pa aña 2050.
“Nos sa cu nos tin un bentana chikito pa inverti den e tecnologia limpi y innovacion pa ricibi liderazgo prome cu e economia bira obsoleto,” Von der Leyen a splica.
Na mesun tempo na Alemania, e protestanan di clima a caba diamars pa causa di e destruccion di un bario chikito pa asina facilita e expansion di un mina di carbon, mientras e pais ta lucha pa mehora nan siguridad di energia den medio di recortenan den suministro di gas Ruso.
Von der Leyen a usa un speech cu e mester a duna na World Economic Forum na Davos pa bisa cu aedemas di alimenta nan mesun industria, e bloke di 27 nacion lo bira hopi mas estricto den contraresta e practicanan inhusto, si nan bini di Washington y mas importante di Beijing.
