(NLTimes) – Cushina riba un stoof di gas a causa sintoma di Asthma den mas o menos 70,000 muchanan na Hulanda den e aña pasa. Esaki ta e conclusion di dos organisacion Europeo, basa parcialmente riba investigacion di TNO.

Stoofnan di gas ta produci carbon monoxide, cierto particulanan y otro substancianan dañino cu ta causa problemanan di salud serio. Mas di 100 miyon residente di e union Europeo te ainda ta cushina cu gas. Na Hulanda, esaki ta trata di por lo menos mita di tur vivienda den e pais. E organisacionnan ta preocupa cu e crisis di energia lo aumenta e problemanan di salud causa pa cushina cu gas. Personanan lo posiblemente ventila menos pa asina por mantene e cayente den e cas.

Organisacion di sociedad civil CLASP a conclui cu e viviendanan Hulandes ta surpasa World Health Organization (WHO) pa bon calidad di aire varios biaha pa siman. CLASP ta kere cu cushina cu gas mester bini cu un advertencia di mesun manera cu pakinan di sigaria. “Oficialnan den e union Europeo tin e responsabilidad grandi di tuma e riesgonan di salud aki den consideracion.”