(AP) — Dialuna corte di Praga a absolve ex-Prome Minister Andrej Babis di acusacionnan di fraude den un caso di 2 miyon dollar envolviendo subvencionnan di Union Europeo.
Un fiscal a pidi pa un sentencia di 3 aña suspension y un multa di 10 miyon koruna Checo ($440,000) pa e biyonario populista. E persecucion huridico ainda por apela. Babis a declara su inocencia y a bisa ripitidamente cu e acusacionnan contra e tabata tin motivacion politico.
E no tabata presente na e corte municipal di Praga dialuna. Su ex-asociado, Jana Nagyova, cu a firma e peticion pa subvencion tambe a wordo absolvi di e acusacionnan.
Hurado Jan Scott a declara cu loke nan a haci “no tabata un crimen”. Na e mesun momento, e hurado a rechasa e nocion cu persecucion di e Minister tabata a base di su actividadnan politico.
E huicio a sali na fabor di Babis, par dia prome cu e comienso di eleccion Checo.
Babis ta considera hunto cu ex-general di ehercito Petr Pavel y ex-rector di universidad Danuse Nerudova como front-runners den e eleccion cu lo cuminsa diabierna.
Prome Minister Petr Fiala a declara cu ta necesario pa acepta huicio di un corte independiente. E Gobierno di coalicion ta apoya Pavel y Nerudova.
E caso di Babis ta envolve un rancho conoci como the Stork’s Nest, cual a haya subvencion di Union Europeo despues cu e a wordo transferi for di Babis su conglomerado di 250 compania yama Agrofert pa miembronan di Babis su famia. Despues Agrofert a haya propietario di e rancho atrobe.
Agrofert no lo wordo considera pa haya subvencion, mirando cu esaki ta wordo duna na companianan chikito. Agrofert a debolbe e subvencion .
Leglisadornan mester a kita Babis su inmunidad 3 biaha durante e caso, cual a cuminsa na 2007. Oficina di fiscal di Praga a cumpli cu e evaluacion di e caso na Maart y a sigui cu e acusacionnan contra Babis.
Babis a bira un figura divisivo den politico Checo.
Un quart miyon di hende a subi caya—e demostracion mas grandi desde e revolucion anti-comunista na aña 1989—dos biaha den 2019 pa demanda Babis baha for di gobierno a base di su scandalnan, incluyendo e conflicto di interes tocante subvencionnan cu ta inclui su imperio di negoshi.
Babis y su movemento ANO a perde eleccion parlamentario den october. E coalicion di cinco partido a forma un gobierno nobo y ANO a cay den oposicion.
