(DutchNews) – Hulanda a bira e di 11 pais den EU cu a firma e European Trade Union Confederation su manifesto ‘zero death at work’ (cero morto na trabao).
E manifesto, cual a ser lansa den april ultimo, ta haci yamado na EU y estadonan miembro pa tuma accion pa realisa e meta di cero morto na trabao pa aña 2030. E manifesto ta inclui accidentnan na trabao, exposicion na substancianan dañino of venenoso na trabao ademas di complicacionnan causa pa stress na trabao manera problema di curason, stroke, depresion of suicidio.
Por ehempel, ETUC ta calcula cu den EU, 12 empleado ta fayece diariamente na trabao y mas di 100,000 empleado ta fayece anualmente como resultado di traha cu substancianan carcinogenico. Na Hulanda so, tin un calculacion di mas o menos 3,000 morto anual for di traha cu substancianan cu ta causa cancer. E firma di Minister di asuntonan social Karien van Gennip na fin di aña pasa a coincidi cu e cantidad di controversia relaciona cu e condicionnan di trabao na Hulanda, varios di cual ta trata companianan di e estado.
Programa di television actual Zembla a enfatisa e hecho cu empleadonan na Schiphol Airpor tabatin riesgonan di salud y problemanan di curason ademas di cancer di pulmon como resultado di huma y otro carcinogenico cu ta causa polucion. Zembla a enfatisa cu KLM y Schiphol tabata altanto di esaki caba 15 aña atras.
E manifesto tin meta di aumenta e accion cu e estadonan miembro lo tuma, e Comision Europeo y e Parlamento Europeo, pa asina sigura cu lo yega 0 morto na trabao pa aña 2030. Sinembargo, te ainda mester mira con e gobierno Hulandes tin meta di implementa e cambionan aki mirando cu e strategianan concreto di implementacion no a ser haci publico te ainda.
