A traves di diferente publicacion riba rednan social usuarionan a denuncia cu cierto personanan den comunidad a tira nan sushi riba caminda publico, un molester y desapunto pa habitantenan cu ta biba rond di e area.

Manera Gobierno di Aruba a informa, e luga na unda e desperdicionan di e isla tabata wordo tira tabata e dump pero awor cu a cera pa stabilisa loke ta trata e maneho di desperdicio, esaki pa algun habitantenan no a cay di un bon manera ya cu mediante potretnan y videonan riba rednan social por ilustra con e ciudadanonan ey a tuma e via mas facil di tira e sushi riba un caminda publico, of tambe na mondi.

Ta importante pa destaca y informa na esunnan cu ta mira un situacion manera esakinan pa asina reporta via e plataforma FIX cu ta disponibel den cualkier smartfone, unicamente e persona mester donwload e aplicacion for di Apple Store of Google Play y crea un perfil di usuario, den otro caso tambe por saca e potretnan di e luga y reporta esaki riba e website www.fixi.aw

Proceso di raporta ta facil:

1) Observa un situacion 2) Saca potret 3) Skirbi un raportahe cortico di e situacion 4)

Manda e raportahe 5) Bureau City Inspector (BCI) instacia encarga pa dirigi e aplicacion ta ricibi

y redirigi e rapport pa instancia concerni si ta necesario.

Si bo observa cualkier di lo siguiente, lo bo por raporta esaki cu Fixi:

* Dump ilegal of hende ta deshaci di sushi ilegalmente

* Ta deshaci awa preto riba tereno publico of den dam

* Hende ta deshaci di kimico riba tereno publico

* Ta sospecha individual of compania di deshaci di kimico peligroso (venenoso) riba tereno publico, of riba tereno priva sin tin permiso.

* Wacharaca di auto riba tereno publico.

Na momento haci e melding mester indica unda e situacion ta, mester agrega potretnan di e situacion y ademas mester yena un formulario cu datonan di e usuario como por ehemplo un e-mail, esaki ta pa motibo cu e aplicacion ta bay mantene e usuario informa tocante e melding, ademas cu ta conta cu declaracion di privacidad. Pa loke ta trata e potretnan, e usuario por agrega un maximo di 5 potret na mesun tempo.

Ora e instancia ta haya e rapport e usuario cu a haci e melding por check riba e plataforma den ki status e rapport ta y ora nan ta resolve e denuncia e usuario ta haya un notificacion.

Potretnan a wordo saca door di usuarionan di rednan social como Facebook.