Partido Curpa no a wordo funda pa djis pa participa na eleccion sino e vision di partido Curpa ta bienestar di e famia na prome lugar. Solamente ta existi 2 caminda esta esun Cristian y esun anti Cristian. Ora gobierno viola nos derechonan nos tin cu acudi na Dios paso husticia ta di Dios y no di gobierno.

Ora gobierno cuminsa aproba leynan di hende cu ta bay contra leynan di Dios, gobierno ta subi riba tereno con no ta coresponde nan y ta viola nos derecho di libertad. Ken ta menasa pa matrimonio? Ken ta menasa pa nos educacion? Ken ta menasa pa nos libertad? Ken ta menasa pa nos salud? Simpel nos gobierno.

E igualdad den e agenda 2030 ta un simpel igualdad? E igualdad aki un menasa pa e famia. Kico nos ta pensa ora pone mucha homber bisti na mucha muhe y pone mucha muhe bista na mucha homber? E implementacion aki ta trece confusion den comportacion di nos muchanan. Tambe kier drenta educacion di nos futuro generacion. E acto aki ta bay contra di bienestar di nos criaturanan. Gobierno a perde tur respet pa nos pueblo y ta pusha su plan anti Cristian. Scolnan Catolico tampoco lo scapa. Pakico? Paso ta gobierno ta paga salario di maestronan Catolico. Kico lo pasa ora gobierno nenga di paga e salario di e maestronan paso nan no ta haci locual cu gobierno kier? Nos gobierno comunista ta pusha pa implementa e agenda 2030 y esaki no ta wega. Si nos no para keto y habri no nos wowonan nos ta perdi.

Union Europeo y Merca a drenta recesion. Un crisis mundial ta dilanti di nos porta. Miho nos ta prepara pa lo pio y cu nos no ta prepara mes. E por tarda pero e lo yega sigur. E economia mundial lo collapse y e situacion lo bira hopi dificil. Imagina bo cu banconan dal nan porta cera y bo no por swipe ni lanta placa. Kico lo pasa? Esaki ta e plan di world economic forum pa asina introduci e moneda digital. E plan di world economic forum ta pa controla tur hende. Lo bo no tin privacidad y tampoco libertad. Riba dje scarsedad di cuminda. Un caos completo. Venezuela no ta barata mas ta dollar ta manda.

Na Hulandes tin cantidad di stranhero ta biba y a surpasa e Hulandesnan. For di 2018 pa awor tin mas cu 1.2 miyon stranhero biba na Hulanda cu tur sorto di beneficio. P’esey tin scarsedad di vivienda. Esaki ta e forma cu un gobierno comunista ta destabilisa un pais. Open border policy ta un punto den coho. Ki beneficio e tin pa Aruba?

Energia sostenibel a fracasa na Europa. Alemania a bay back riba carbon paso gas natural ta impagabel. Hulanda ta prefera di bende su gas cu baha e prijs pa su hendenan. Aki na Aruba gobierno kier broma cu Eagle LNG pero no ta papia di prijs. Un compania sin pos di gas y lo gana placa riba custia di nos pueblo. Si na Europa prijs di gas ta impagabel, ki efecto esaki lo tin pa Aruba? Ni e molina di biento no ta safe paso na Hulanda riba e dijk na Zeewolde un molina a cay y kibra por completo. Esaki ta demostra cu e ta un peliger. Laga nos spera cu esaki nunca lo pasa na Aruba.

Aruba no ta prepara pa si mañan no tin un barco para den nos waf pa trece cuminda. E departamento di gobierno cu ta encarga pa duna tereno ta para. Tin hende cu mas cu 2 aña ta warda riba tereno pa planta y te dia di awe no a haya un contesta di DIP corda tereno. Importante pa pueblo sembra den nan cura pa tin algo pa come.

E parlamentarionan cu tin e yabi pa salvaguardia nos pueblo den nan man. Sin nan no para pa e famia, ayudo lo bin for di otro caminda pero e parlamentarionan aki lo pasa pa historia. Dicidi na cua banda bo ta. Bo ta luz of scuridad. Anti Cristian of Cristian. No mas wega. E decision ta den si bo ta real!