Despues di dos aña di break carnaval di Aruba t’ey back y tur cos ta ranca sali cu e parada di flambeu, fakkel optocht, awe nochi.
E emocionnan ta grandi pa e prome parada di carnaval despues cu COVID-19 a yega mundo y paralisa tur actividad, tur evento y a cambia bida manera nos conoce. Hopi hende ta preparando pa dias caba y tin algun a cuminsa apenas ayera nochi, pero sin duda e preparacionnan ta canando full swing y hppi hende ta bayendo ‘all out’ pa celebra cu carnaval a regresa.
Cu stenchi, payet, glitter, pluma, luz y mas e participantenan ta bay luci ariba caminda awe nochi pa duna inicio na Carnaval 69. E anochi prome cu fakkel semper ta trece hopi emocion y trabou tambe. Hopi ta traha duro pa decora nan t-shirt, plania nan outfit, nan peinado y makeup. E preparacionnan ta continua for di marduga trempan caba pa algun hende cu makeup y peinado. Temporada di carnaval ta un temporada hopi druk pa artistanan di makeup y salonnan di beyesa. Scheduling ta cuminsa desde november caba y prome cu aña cambia hopi di nan ta completamente gebooked.
Carnaval ta cultura, un tradicion cu hopi Arubiano a sinti su falta e ultimo dos añanan y awe nochi e temporada ta cuminsa y nos ta spera e ta uno pa recorda.
Potretnan di ilustracion.
