(TMZ) – Bad Bunny a responde na e video di su persona cu a bira viral unda cu ta mira su persona ta tira e telefon di un fanatico y a tira esaki den awa, lagando un mensahe cla pa tur su fanaticonan; No pone telefon den cara di hende sin cu bo puntra prome.
Video di e cantante y creador di e album “Un Verano Sin Ti” a cuminsa circula dialuna, unda cu a mira cu e ta ser interumpi pa un fanatico, aparentemente mientras cu e tabata na Republica Dominicana, lagando varios fanatico cu duda serio pa cu e artista su temperamento.
Den un publicacion directo riba Twitter dialuna, Bad Bunny a splica cu e ta crea un linea entre fanaticonan cu kier crea un interaccion genuino versus esunnan cu ta buscando atencion riba rednan social, cual e ta considera un acto di falta di respet, skirbiendo riba e publicacion cu “e persona cu bini cerca mi pa bisa conta, pa bisami algo, of djis pa conoce mi persona semper lo ricibi mi atencion y mi respet. Esunnan cu bini cerca mi pa pone un telefon den mi cara, mi lo considera esaki pa loke e ta, un falta di respet y mi lo trata esaki manera un.”
Bad Bunny a ser corona como e artista mas scucha mundialmente pa aña 2022, su tercer aña consecutivo ricibiendo e corona aki cu mas di 18.5 biyon biaha scucha. Tur esaki ta agrega na su popularidad inmenso tur caminda cu e bay.
E reaccion di Bad Bunny ta trece dilanti con importante etiketa ta pa e cantante ora cu e ta interactuando cu su fanaticonan, y di mesun manera con importante esaki ta pa tuma na cuenta ora cu su fanaticonan kier interactua cu e cantante.
