Un Boeing 777 di Qatar Airways a sali diadomingo for di Doha, Qatar y a aterisa na Auckland, New Zealand, despues di a bula 9,031 miya (14,535 kilometer).
E orario di e vuelo aki tabata programa nada menos cu di 17 ora y 30 minuut. E CEO di Qatar Airways, sr. Akbar Al Baker, kende a viaha abordo di e vuelo inaugural aki, a bisa cu nan servicio nobo pa Auckland, New Zealand ta un gran logro y di sumo importancia pa e expancion global di e aerolinea Qatar Airways.
E record anterior a wordo realisa pa nan competencia den Golfo esta Emirates. Emirates su vuelo di Dubai pa Auckland New Zealand ta acualmente na di dos lugar di vuelo mas largo na mundo cu 8.823 miya.
