E ta pidi pa unidad den medio di tur e drama andando
(TMZ) – Prins Harry tin speransa di repara e distancia profundo cu a ser causa entre su persona y su famia, y awo ta pidi pa harmonia cu nan, aunke su persona y Meghan Markle a revela publicamente tur nan problemaman interno cu e famia real.
Harry a comenta tocante e problemanan andando mientras e tabata promove su memoir “Spare”, contando ITV cu e kier su ruman homber y su tata back den su bida, bisando cu e no ta kere cu cosnan mester a tuma luga di e manera cu a pasa. El a declara cu su famia ta responsabel pa e problemanan grandi, bisando cu nan ta sigui ilustra su persona y su pareha Meghan como e mal personanan den e storia. Tambe el a bisa cu Rey Charles y Prins William no a duna ningun señal cu nan kier reconcilia cu su persona.
E Duke di Sussex tambe a papia cu Anderson Cooper riba e programa “60 Minutes”, bisando cu el a purba lidia cu e problemanan aki di manera priva, sinembargo tur esaki a termina den man di publico di tur manera, haciendo cu el a keda como e mal persona.
E ta mantene su postura y acusacionnan cu Buckingham Palace a duna medio di noticia y farandula informacion tras di escena, y despues a tuma posicion di “no duna comentario” den publico.
Manera a reporta anteriormente, Harry y Meghan su documentario recien di Netflix a revela hopi di nan banda tocante e drama cu e famia y empleadonan real, incluyendo peleanan interno y menasanan di morto online. Harry tambe a bisa cu su ruman homber Prins William a kibra su promesa pa cu no revela storianan di Harry.
