(NLTimes) – Marjan de Groot-Reuvekamp, hefe di e asociacion di docentenan di historia na Hulanda, ta bogando pa scolnan primario cuminsa siña e muchanan tocante e hisori di sclavitud na Hulanda for di un edad tempran.
Esaki ta inclui muchanan di scol primario di 7 aña, kendenan mester ricibi conocemento tocante e historia colonial y sclavitud, segun el a expresa na De Telegraaf.
“Un strategia critico na informacion tocante nos mesun pasado ta miho ora cu esaki tuma luga na un edad trempan,” De Groot-Reuvekamp, ken ta purbando di haya maneranan nobo pa e curriculum civil na Hulanda. “Hende semper ta un poco cauteloso ora ta trata di e topico aki cu muchanan. Pero mi sa di experiencia y investigacion cu muchanan por haya historia hopi interesante, siempre y cuando bo ta usa lenguahe cu nan por compronde,” el a expresa na De Telegraaf.
E debate tocante con pa lidia cu Hulanda su pasado colonial tabata evidente den Prome Minister Mark Rutte su speech recien, den cual el a pidi despensa di parti di e estado Hulandes pa su rol den sclavitud. Den e speech, Rutte a anuncia cu Hulanda lo tuma responsabilidad pa su pasado colonial y e gobierno Hulandes lo establece un fondo pa conmemora e personanan cu ta catibo y nan descendiente. Tambe lo usa e placa aki pa crea mas conscientisacion y involucra mas. Por ehempel, e placa por ser usa pa paga pa un programa di investigacion pa gana un bista mas amplio riba e impacto di sclavitud riba historia, y discriminacion ademas di racismo cu mester ricibi un luga permanente den nos educacion.
Aunke varios famia ta puntra nan mes con pa lidia cu e topico sensibel aki di manera cu muchanan por absorbe esaki y compronde, tin varios manera pa haci esaki, segun De Groot-Reuvekamp. Mayornan por siña nan yiunan ocante sclavitud y e pasado colonial di Hulanda den un manera apropia pa nan edad via bukinan y pa medio di bishita institucionnan cultural manera museonan.
Varios museo Hulandes ta ofrece educacion tocante e pasado den sclavitud. Por ehempel, e Tropenmuseum na Amsterdam, cual tin exhibicion na suriname y na mesun tempo ta educa bishitantenan tocante con e personanan di Suriname a lidia cu sclavitud y e consecuencianan duradero cu e poblacion a sufri. Scheepvaartmuseum, e pais su musemo maritimo nacional na Amsterdam ta haci colonisacion, racismo y e trafico di catibo visibel via e pinturanan, modelonan di barco y otro exhibicionnan.
