(CNET) – E compania di rednan social por enfrenta presion pa bende su operacionnan na Merca pa asina elimina influencia di gobierno Chino.
E doñonan Chino di TikTok posiblemente lo enfrenta presion. E preocupacionnan di siguridad di e red social popular a causa cu algun oficial di administracion Biden pidi pa e benta di e compania su operacionnan na Merca pa asina por “sigura cu Beijing no por haci uso di e aplicacion pa Spionahe y influencia politico,” segun un reportahe nobo di The Wall Street Journal.
E idea di benta forsa a ser treci dilanti den discusionnan di Committee on Foreign Investment na Merca, cu representantenan di Pentagon y Department of Justice pidiendo pa e benta. Entre e preocupacionnan ta e idea cu e gobierno Chino por haci uso di TikTok, cual ta pertenece na ByteDance, pa adkiri informacion di usuarionan di Merca ademas di dicta ki contenido por of no por mustra riba e plataforma “como parti di bnan intento pa influencia opinion popular Mericano.”
TikTok a bisa cu nan tin tempo trahando cu CFIUS pa trata “tur preocupacion rasonabel di siguridad nacional” tocante y compania y a haci avancenan substancial den trata e preocupacionnan aki tocante Corporate Governance, recomendacion di contenido y modercaion ademas di siguridad di data acceso.
“Nos ta kere e preocupacionnan aki por keda completamente resolvi,’ TikTok a expresa den un declaracion, agregando cu pa medio di traha CFIUS el a implementa e medidanan “mas leu di oke cualkier otro compania ta haciendo awe.”
Preocupacionnan di siguridad nacional na TikTok a aumenta den simannan recien. Un reportahe anteriormente e luna aki a sugeri cu negociacionnan entre e administracion Biden y e aplicacion tocante su operacionnan Mericano lo ser poni riba un pausa. E aplicacion a keda prohibi di ser usa den dispositivonan gubernamental of den rednan di algun estado incluyendo Virginia y Georgia, cu algun di e universidadnan na Georgia, Oklahoma y Alabama prohibiendo acceso di manera similar riba dispositivonan, computer y rednan na e universidadnan.
Preocupacionnan tocante e doño di TikTok y siguridad nacion no ta nobo. E administracion Trump a purba prohibi e plataforma na Merca sinembargo no a logra haci esaki.
