(NLTimes) – Un cantidad mas grandi di klapchi ilegal a ser cumpra e aña aki compara cu añanan anterior y e klapchinan aki ta definitivamente poderoso segun Nederlandse Politiebond, e union mas grandi pa personal di cuerpo policial.
Jan Struijs,e union su presidente a bisa cue ta preocupa tocante e periodo binidero di aña nobo, bisando cu aunke e ta spera esaki lo ta un temporada festivo, tambe e “por bira un bataya.” E union, cual ta representa 28,000 cuerpo policial ta “seriamente preocupa” cu e fin di siman binidero.
Pa prome biaha den 2 aña, Aña Nobo por ser celebra di manera liber sin restriccion di coronavirus. Aunke klapchi ta prohibi den cierto municipalidad, “e politica ta hopi variabel” Struijs a expresa. Esaki por tin un diferente efecto. “Nos ta wardando. Cada biaha nos ta mira cu e cambio di aña tambe por ta un tempo di expresa frustracion. Tambe e ta tuma poco pa tur hende bay den contra di cuerpo policial.”
E unidad nacional di cuerpo policial ya caba a reporta cu si e uso di klapchi durante aña nobo causa “hopi herida, daño y miseria,” cuerpo policial lo sigui presiona pa un prohibicion di klapchi nacional. “Nos lo campaña fuerte pa esaki politicamente,” Peije de Meij, coordinador di Aña Nobo na polis a expresa. De Meij pa e motibo aki ta mira e periodo di celebracion binidero como “e test mas grandi.”
