(AP) – Gobierno di Alemania a bisa diamars cu nan l permiti e companianan di seguro di salud paga mas pa medicamentonan pediatrico mirando cu tin un escasez den e pais.
Alemania a cuminsa haya obstaculo pa haya medicamentonan basico manera pildonan pa dolor den simanna reciente mirando cu a experiencia obstaculo den delivery y un demanda hopi mas halto compara cu normal. Minister di Salud Karl Lauterbach a bisa cu e seguronan cu ta forma e base di e sistema di salud publico Aleman lo por paga 50% mas di loke legalmente a keda stipula pa medicamentonan sin patenta. Si e medicamentonan aki no ta disponibel, nan por conta cu medicamentonan mas caro di cierto marca of crea likidonan preferi pa uso pediatrico na luga di tablet.
Alenania, unda e prijsnan cu seguronan ta paga ta ser stipula, ta un mercado menos atractivo pa algun compania farmaceutico cu nacionnan alrededor manera Hulanda. Lauterbach a bisa Alemania lo purba tambe combati e escasez di antibiotica y medicamentonan pa cancer pa medio di duna preferencia na proveedornan cu ta produci ingredientenan clave dentro di e Union Europeo y rekeri pa nan mantene varios luna di suministro.
Autoridadnan Aleman a bisa cu e pais tin un escasez critico di mas di 50 medicamento, mayoria di nan generico. E problema ta causa pa un margen chikito di algun medicamento, un concentracion di e suministro den cierto paisnan fuera di e union, un demanda mas halto y problemanan di control di calidad.
