Diaranson anochi den Cas di Cultura lo tuma luga e show “Mickey & Minnie Celebrando Magia di Pasco”. Un show cu lo ta yen di animacion, diversion, baile y canto specialmente pa tur e muchanan di Aruba.
EZ Party solutions hunto cu e grupo di baile Kids and Youth in Action lo presenta un variedad di cancionnan infantil y di pasco. Lo tin personahenan manera Sonic, Paw Patrol, LOL y mas presente.
Den luna di juli EZ Party Solutions a organisa un show titula “Encanto and Friends” na unda diferente grupo di baile di Aruba a participa y a presenta cancionnan di e pelicula popular Encanto y un variedad di diferente otro cancionnan.
E show “Encanto & Friends” a ser presenta durante tres anochi cu tabata completamente sold out. Despues di e exito di tres anochinan di exito, a organisa otro anochi di show extra a peticion di publico. Mester remarca tambe cu e mesun show di “Encanto & Friends” a ser presenta na Corsow den un intercambio multicultural cu tambe tabata un exito rotundo.
E grupo di baile Kids & Youth Action ta un grupo di baile cu 30 aña di existencia bao direccion di Debra Boekhoudt. E grupo su meta ta pa ofrece mucha y hoben un espacio pa desaroya nan talento- y cualidadnan di un manera sano y positivo.
EZ Party Solutions ta organisa pa cinco aña caba show pa tur e muchanan di Aruba. Conoci pa semper trece diferente personahe- y caricatirunan, e show di Mickey & Minnie Celebrando Magia di Pasco” no lo ta dieferente y lo tin entretenimento pa un y tur.
