(AP) – Reguladornan di siguridad na Merca lo investiga reportahenan cu robotaxinan di General Motors Cruise LLC por stop demasiado lihe of stop di move inesperadamente.
3 accident cu aparentemente a tuma luga despues cu e vehiculonan autonomo di Cruise ta loke a causa e investigacion segun National Highway Traffic Safety Administration. Na e momento aki, e robotaxinan aki tabata ser maneha pa chauffeurnan humano pa siguridad.
E agencia tambe tin varios reportahe di Cruise su robotaxi sin chauffeurnan humano birando inmobilisa den trafico di San Francsico, posiblemente lagando pasaheronan tira y blokiando e careteranan.
E reportahenan aki a bini for di dialogo cu Cruise, reportahenan di medio y autoridadnan local, NHTSA a splica den un documento tocante e investigacion cu a ser publica diabierna riba nan sitio web.
Tabatin 2 reportahe di heridanan relaciona cu esaki, incluyendo un ciclista cu a keda seriamente herida maart ultimo segun NHTSA su base di data. NHTSA a bisa cu nan a determina con frecuente e problemanan a pasa y problemanan potencial di siguridad cu nan por causa. E investigacion, cual ta cubri mas o menos 242 vehiculo automatisa por causa cu e vehiculonan lo mester keda debolbi. “Cu e data aki, NHTSA por responde na preocupacionnan di siguridad pa cu e tecnologianan aki pa medio di mas investigacion,” e agencia a bisa den un declaracion.
