(CiberCuba) – E Gobierno Cubano lo ricibi den januari e ayuda material ofreci pa Merca balora na dos miyon di dollar pa beneficia e afectadonan di e horcan Ian na Pinar del Rio.
Carlos Fernandez de Cossio, vice minister di Relacionnan Exterior di Cuba, a anuncia e noticia durante e XX edicion di e Serie de Conversaciones Cuba en Ka Politica Exterior de Estado Unidos, cu a tuma luga diahiebs na La Habana.
E ayudo aki ta wordo agrega na e donacion cu Merca a duna Cuba di 100 trahe di brandweer, como resultado di e combersacionnan entre ambos pais despues di e incidente na e base di super tankeronan di Matanzasm unda 17 persona a perde nan bida y otro 146 a resulta herida.
“Den ambos caso e ayuda a wordo ofreci sin ningun condicion politico, den ambos caso nos ta gradici pa e ayuda y nos ta acepte”, Fernandez de Cossio a enfatisa.
Horcan Ian a laga mas di 100 mil vivienda afecta, e mayoria di nan na Pinar del Rio, unda ademas tabatin destruccion den e Sistema electrico y e produccion di alimento.
Na final di november menos di e 10% di e viviendanan destrui a wordo repara pa e autoridadnan Cubano, y un di e problemanan cu mas ta presenta den e teritorio ta e retraso di entrega di e palo necesario pa e labornan aki.
“Den e problemanan principal cu ta afecta e ritmo productivo di e fabrica tin e interupcionnan di coriente, como tambe e limpiesa di e luga pa motibo di falta di carretiya y otro materialnan”, Jorge Luis Echeverria Castillo a bisa, hefe di e birgada di e fabrica “Enriue Troncoso”.
