(NLTimes) – E servicio di salud publico GGD te ainda ta luchando pa controla e brote actual di Sarna. E cantidad di caso tin varios siman caba en aumento y ya caba ta dobel di halto compara cu aña pasa segun loke RTL Nieuws a reporta.
Den e region di Groningen, e cantidad di diagnosis di Sarna a aumenta di 36 pa cada 100,000 residente 3 siman pasa na 66 pa cada 100,000 siman pasa. Den e region di Amsterdam, e cantidad di caso a aumenta di 52 pa 75 pa cada 100,000 siman pasa. Na Gooi en Vechtstree, casonan a bula di 52 pa 82 pa cada 100,000 residente. E figuranan nacional tambe ta den aumento cada siman desde e fin di zomer.
Sarna usualmente ta causa pa e bacteria cu ta bao di e cuero y ta causando un picason severo. E malesa infeccioso ta usualmente contagia via contacto fisico prolonga, manera drumi den e mesun cama. Dokternan di cas ta reportando un cantidad sumamente grandi di pashent den e gruponan di 15 pa 24 aña di edad, sinembargo e cantidad di infeccionnan tambe ta hopi mas halto den otro gruponan di edad.
Riba diaranson, e instituto di salud publico RIVM a boga pa un “un strategia orienta riba grupo” contra Sarna. Esaki ta nifica duna tratamento na tur hende den e hogar y pa nan tur adheri nan mes na e instruccionnan di limpiesa pa asina deshaci di e bacterianan aki.
“Un dokter di cas of dermatologo hopi biaha ta enfoca riba e tratamento di e pashent individual, sinembargo mirando e aumento nacional, e strategia aki posiblemente no ta suficiente efectivo pa motibo cu ta presta tiki atencion na e tratamento di e contactonan,” segun RIVM. Provision di e informacion tambe ta esencial, specialmente pa muchanan hoben cu tin hopi contacto.
