(RFI) – Sin acorda un halto al fuego, dialuna ultimo Gobierno di Colombia y guerrilla di Ehercito di Liberacion Nacional (ELN) a cera e prome reunion di negociacionnan di paz na Caracas, Venezuela cu anuncio di liberacion di rehen y accionnan humanitario na zona di Pacifico afecta pa e guera entre varios grupo arma.
Segun a wordo exponi den un comunicado conhunto, e dos partinan “ta culmina e prome ciclo di dialogo”, awor nan ta bay na Mexico den un fecha cu te ainda no ta defini.
E mesa “ta ratifica su decision di construi riba loke a wordo construi”, e texto di e negociacion aki cu a cuminsa na 2016 cu e ex-presidente Juan Manuel Santos y a wordo paralisa na 2019 pa ex-presidente Ivan Duque, despues a bin bek den gobierno di Gustavo Petro, segun loke e documento a señala.
“E proceso di paz aki den cual e boluntad y coherencia di e partinan ta pone di manifiesto como un luz di speransa na un mundo cu tin situacionnan di guera y tension destructivo”, e texto ta bisa.
E acuerdonan logra na Venezuela ta pa haya bek e agenda acorda na 2016, ora palabracionnan a cuminsa y adapta na un “contexto nobo” asina como un “institucionalisacion” di e mesa cu un normativa aproba pa e partinan. Loke a wordo acorda dialuna ultimo ademas ta contempla “accionnan y dinamica humanitario” den e areanan afecta pa e conflicto.
E comunicado a destaca cu “for di 7 di augustus te e fecha, den manifestacion di boso compromiso cu e paz di Colombia, ELN a laga den libertad na 20 persona civil y integrantenan di forsa publico”.
Pablo Beltran hefe di delegacion di guerrilla, no a bisa exactamente cuanto personanan ta den aislamento “mi por sigura cu no ta hopi hende”, el a bisa. Di loke ta trata halto al fuego “no a wordo papia den reunion aki” segun loke Beltran a sigura, “mi ta espera cu esey lo ta un tema den e proximo reunion”.
Petro, prome presidente di iskierda na Colombia fin di siman ultimo a adelanta un prome reunion cu guerrilla pa permiti cu un pueblo indigena por bay bek na su luga di origen despues cu su comunidad a huy pa e conflicto, e mesa mester reuni bek durante e tres prome luna di 2023 na Mexico.
