(AP) – Moderna su balor a aumenta grandemente despues cu e creador di vacuna di coronavirus a detaya progreso den e desaroyo di un vacuna preventivo contra cancer di cuero cual hopi biaha por ta mortal.
E compania a bisa cu e posibel vacuna pa Melanoma cu nan ta studiando cu e gigante farmaceutico Merck a duna bon resultado den un estudio chikito di pashent cu a kita e cancer cu cirugia. E creadornan di medicamento a bisa cu e combinacion di e vacuna conhuntamente cu Merck su imunoterapia Keytruda a causa un mehoracion statisticamente significante den sobrevivencia prome cu e cancer a bolbe den pashentnan cu Melanoma avansa.
“Nos ta hopi contento, nos ta moviendo hopi lihe cu Merck na fase 3 pa e estudio aki,’ Moderna su CEO Stephane Bancel a conta CNBC diamars mainta. Fase 3 ta generalmente e fase mas caro di investigacion clinico prome cu reguladornan a revisa un medicamento potencial pa aprobacion.
Moderna a desaroya un di e vacunanan mas popular usa pa proteha pashentnan contra COVID-19, y e creador di medicamento a trece mas di 3 biyon for di Spikevax den e aña aki su tercer kwartal.
Sinembargo e uso di e vacuna a bira mas abao y Moderna ta depende di Spikevax pa casi tur su ganashi. Manera Spikevax, e potencial di cancer di cuero ta usa tecnologia mRNA. E ta train e pashent su sistema inmunologico pa reconoce y responde specificamente na mutacion specifico den e DNA di e pashent su tumor.
