(AP) — Un politico veterano di New York na Merca a entrega un demanda pa difamacion ayera contra un muhe cu a acus’e di mal conducta sexual, bisando cu e acusacion decadas bieu ta falso, y a afecta su campaña pa alcalde.
Ex miembro di Asamblea estatal y Comptroller di Ciudad di New York, Scott Stinger ta bisa den su demanda entrega na corte estatal na Manhattan cu Jean Kim “a lastra integridad y reputacion di Sr. Stinger” na april 2021, tempo cu el a acus’e di mishi cune sin permiso como 20 aña atras.
Tempo cu Kim a haci su acusacion, Stinger tabata entre e lidernan di un campo yen di hende buscando e nominacion Democrata pa ta sucesor di alcalde e tempo ey, Bill de Blasio.
Pero Stringer a cay den encuestanan despues di acusacion di Kim, kende tabata un boluntario den campaña sin exito di Stringer na 2001 pa Defensor Publico durante e tempo di e supuesto mal conducta.
Eric Adams a gana e nominacion Democrata pa alcalde y a gana eleccion general na november.
Stringer, 62, ta bisa den su demanda cu e tabatin un relacion intermitente cu permiso na 2001, y cu su acusacionnan di abuso y mishimento sin permiso ta falso y difamatorio.
E estado di limitacion di un aña na New York pa difamacion ta un reto pa Stringer, kende ta demandando pa acusacionnan cu Kim a haci un aña y mey atras. Den un intento pa evadi e limite di tempo, e demanda ta alega cu acusacionnan difamatorio di Kim a reaparece recientemente na augustus 2022, ora Rep. Carolyn Malony a “usa acusacionnan di Kim como un arma” durante e campaña primario di Maloney.
Segun e demanda, a mira Kim na un evento di campaña di Maloney dia 3 di augustus y “por a premira rasonablemente cu despues cu Kim a reuni y papia cu Maloney na su evento, su acusacionnan falso y difamatorio lo wordo ripiti.”
