(CNET) – Elon Musk su compania ta spera di cuminsa cu testnan den ser humano den 6 luna. E testnan aki lo ta pa su implante cu ta conecta computer na e cerebro.
Neuralink, e compania cu Elon Musk a funda pa conecta nos cerebro directamente na computernan, a mustra progreso riba diaranson den dos area medico; Yuda personanan ciego wak y yuda personanan cu herida den nan lomba cana of usa nan man.
E compania, un di e 5 cu Musk ta lidera, ta trahando riba un tecnologia cu ta lansa miles di ‘electrode’ cu ta mas fini cu cabey den e espacio di cerebronan humano. Cada ‘electrode’ ta un waya sumamente chikito cu ta conecta na un chip cu ta poni na un sitio riba e carpachi. E chip, yama N1, ta comunica di manera wireless cu e mundo pafo.
E tecnologia te ainda ta leu di yega e usonan medico inicial, mucho menos na Musk su vision di usa Neuralink pa conecta esaki cu Intelgiencia Artificial. Sinembargo e compania ta haciendo progreso significante, incluyendo aplicacion di e Food and Drug Administracion pa por cuminsa cu e testnan riba ser humano, cual nan kier haci dentro di 6 luna, e compania a bisa na un evento.
“Nos meta ta pa sende e luz pa un persona ken a pasa decada ta biba den scuridad,” Neuralink su investigador Dan Adams, ken ta trahando riba e esfuerso pa bolbe paketa data di camara den un cerebro cu ta compatibel y hinca esaki directamente na e ‘cortex’ visual.
Musk tin algun credito ora ta trata di tecnologia revolucionario. Su compania di vehiculonan electrico Tesla ta cambionando vehiculonan y su compania SpaceX ta transformando acceso na espacio cu su rocketnan reusabel. Su reputacion como un genio den tecnologia a ricibi golpi recientemente, despues di su adkisicion di Twitter. Musk su Boring Company, cual tin e meta di cambia transportacion di auto cu tunel, tampoco a cumpli cu su promesanan te ainda.
