(AP) – Un mama na Indiana a tende e latido di curazon di su yiu muhe dentro di un homber di 68 aña ken a ricibi e curason den un transplante.
Amber Morgan y Tom Johnson a conoce otro pa prome biaha riba diasabra, 4 aña despues cu Tom a ricibi e curason for di e curpa di Andreona Williams, ken tabatin 20 aña ora cu el a fayece di complicacionnan di asthma.
Indiana Donor Network a organisa e reunion aki na Chicago, segun Chicago Tribune a reporta. “El a sinti manera mi por a duna mi yiu un brasa mas,” Amber a expresa.
“Como un mama, bo ta tende bo yiu su curason ora cu bo ta carga nan, y mi no ta kere cu bo ta pidi pa tende esaki atrobe mientras nan ta crece. E ta algo asombroso y bunita pa por tende su curason bati un biaha mas,” el a agrega.
Johnson di Kankakee, Illinois a bisa cu el a manda un carta na Morgan den aña 2019, un aña despues di e transplante na Loyola University Medical Center na Suburban Chicago. E tabata kier a expresa su gratitud pa e famia su decision pa duna e curason den donacion.
El a manda un di dos carta tambe, sinembargo e no a ricibi un contesta te cu recientemente ora cu Morgan a contesta cu e lo kier conoce su persona, specialmente despues cu e mes a cuminsa experiencia problemanan di curason. Johnson tabatin desde su hubentud problemanan di curason debil. Dokternan a purba varios diferente tratamento prome cu a conseha cu un transplante ta e miho solucion. “El a habri un mundo nobo di posibilidadnan,” Johnson a bisa. “E ta increibel. Mi por haci ehercicio, mi por core bais. Mi yiunan no por kere con lihe mi por core.”
Johnson su casa, Sharon, a comenta cu Williams su curason ta special. “E ta cuida masha hopi mes di su curason,” el a expresa. “Nunca e ta falta su medicamento. Nunca.”
