Siguridad den trafico mester ta e meta primordial di esunnan cu ta duna rijles na nos ciudadanonan. Instructornan, mescos cu docentenan na scol, ta responsabel pa un bon preparacion di nan alumnonan.
Den un reunion di comision di husticia a bin na cla cu seguridad den trafico TA prioridad di Vereniging Rijscholen Aruba (VRA). Sr Thomas Ruiz a expresa su preocupacion pa cu e 1000 dalmento pa luna cu tin na Aruba. Tin varios punto cu mester traha riba dje pa minimalisa e cantidad aki. Entre otro e examen anterior no ta actueel mas, ni teoria, ni e practica, e no ta un bon indicacion si un persona di berdad ta bon prepara pa participa den trafico. Tin eisen den e examen y den e lesmateriaal cu no ta basa riba ley. Fraude cu a tuma luga, unda hende por a ricibi rijbewijs sin ta cualifica, tin un efecto negativo riba siguridad den trafico. Tin caretera cu mester wordo adapta y miho pinta.
Sr. Ruiz a expresa cu hendenan special, cu no por expresa nan mes por escrito, mester por haci un mondeling examen y tambe cu mester ta posibel pa haci examen den diferente idioma. Sr Ruiz ta splica e importancia pa VRA ta involvi den e trayectoria pa renoba e proceso pa cu rijbewijs, e asina yama ‘verzelfstandiging examen rijbewijzen’. Instructornan tin hopi aña di experencia y conocemento pa cu trafico na Aruba. Ta bon pa Hulanda yuda nos cu e proceso, pero no por djis tuma over tur cos di Hulanda sin tene cuenta cu nos situacion local.
Durante un reunion publico mi a trece e punto aki dilanti. Nos minister di husticia sr Rocco Tjon a splica cu na e momento aki tin un team trahando riba e inrichting/organisacion di un bureau examen rijbewijzen. E a compronde y tambe a mira e importancia di e puntonan treci dilanti door di VRA. Minister lo percura pa involucra VRA ora yega e momento pa cuminsa traha riba ley y e contenido di rijles/rij examen.
