(LaPatilla) – Union Europeo (UE) ta destina 30 miyon euro na ayudo alimentario pa combati e crisis na Venezuela. Di otro banda, UE a extende e sancionnan imponi contra regimen di Maduro pa un aña mas.
E Union ta destina en total 210 miyon euro adicional pa mitiga e crisis global di seguridad alimentario, di cual 30 miyon euro ta pa e crisis na Venezuela, asina a anuncia promer cu e reunion di G20 na Bali, Indonesia.
E paquete nobo di ayudo comunitario, cu ta eleva e contribucion di UE entre 2020 y 2024 na 8.000 miyon euro, 2024, y tin como obhetivo di cubri entre otro necesidad na 15 pais den peligro di hambruna, manera Afganistan, Etiopia, Nigeria, Sudan di Sur, Somalia y Yemen.
UE a participa tambe cu na 2022 inseguridad alimentario a alcanza nivelnan sin precedente, tanto den escala como den gravedad, cu al menos 205 miyon persona cu ta sufri actualmente inseguridad alimentario agudo y mester ayudo urgente. Esaki ta e nivel mas halto registra”, Comision Europeo a señala den un comunicado. Presidente di e Comision, Ursula Von der Leyen, a subraya cu e “guera di Rusia na Ucrania tin un efecto importante den suministro mundial di alimento”.
Regimen di Nicolas Maduro a rechaza diasabra pasa e decision di Union Europeo di extende pa un aña mas e sancionnan contra funcionarionan Chavista acusa di mina democracia y viola derecho humano na Venezuela. Den un comunicado canciyeria Venezolano a califica e decision di Union Europeo como “desafortuna” y “anacronico” y a afirma cu ta insisti “den un strategia completamente eroneo”.
E decision di UE a keda publica e mesun dia cu presidente Enmanuel Macron a manifesta su voluntad di apoya negociacion entre gobierno di Venezuela y un sector di oposicion, segun Chavismo esey ta “incoherente y ta constitui un bofta na e iniciativa Frances yama Foro pa Paz”, minsiterio di exterior Chavista a adverti. E sancionnan ta solamente contra persona di e regimen.
