(NLTimes) – E fraccion di VVD su parlamentarionan a dicidi di sostene un ley unda cu ta obliga municipalidadnan acepta solicitantenan di asilo rond di hulanda despues di “consulta fuerte” cu Prome Minister Mark rutte, segun e partido su lider den Tweede Kamer Sophie Hermans. E ley ta sigura cu municipalidadnan por ser forsa pa e gobierno nacional pa acepta solicitantenan di asilo si esaki bira necesario.

E problema ta uno sensitivo pa e partido, cual Rutte ta lidera nacionalmente conhuntamente cu Eric Wetzels. E ley tambe tin e sosten di e secretario pa politica di asilo, Eric van der Burg, ken tambe ta miembro di partido VVD. E problema ta uno cu a causa division pa e partido internamente, cu parlamentarionan tratando esaki pa varios ora riba diamars.

Rutte a uni e dialogo pa 3 ora, y mas tanto a papia cu e fraccion tocante e gran fluho di solicitantenan di asilo, el a bisa despues di su partida di e reunion. Rutte a bisa cu e tabata un “reunion bon y penetrante unda cu mas tanto mi a tende.” El a keda di acuerdo cu su miembronan di partido cu e cantidad di solicitantenan di asilo drentando Hulanda ta “demasiado halto,” bisando cu “nos lo traha riba esaki stap pa stap. E atmosfera tabata uno excelente.”

Rutte no kier a bisa despues exactamente con e gabinete lo limita e fluho. E parlamentarionan a sigui cu e dialogo entre nan. Nan tabata kier un bista mas amplio den e set di problemanan di asilo, e Prome Minister a declara.

Hermans tampoco no a comenta tocante e problema di fluho di solicitante di asilo despues di e reunion, Sinembargo Rutte su promesa na e grupo ta cu e lo haci su esfuerso pa limita e fluho mirando e fraccion su confiansa suficiente pa keda di acuerdo cu e ley, Hermans a bisa. No a pone na luga un deadline pa Rutte bini cu un plan di reduccion di fluho di solicitante di asilo drentando e pais, sinembargo “mi pasenshi no lo dura pa semper,” el a expresa. Su posicion propio no ta un topico di discusion, “mi ta sinti mi mes completamente apoya pa e fraccion.”

E lider di e fraccion VVD tambe a purba enfatisa e miembronan di Tweede Kamer di VVD tabata na fabor di e ley pa loke e ta trata. “Pa motibo cu den su base, e ley di distribucion ta un distribucion husto di e solicitante di asilo rond di Hulanda. E ley ta “solamente parti” di e politica di migracion y asilo, cual a keda aproba ambos den e acuerdo di e coalicion y e trato di asilo na fin di augustus, el a agrega. “E ta un pakete completo di medida cu nos mester dialoga y cu tur hunto ta trece e confiansa.”