Diadomingo mainta Wardacosta a señala un contacto sospechoso den cercania di Corsou. Despues di e deteccion e Centro Maritimo Operacional di Wardacosta a dirigi un unidad di Wardacosta den direccion di e boto sospechoso y tambe inmediatamente a informa Cuerpo Policial Corsou.
Unabes cu a yega na e sitio, Polis a mira tanto un boto sospechoso como un auto sospechoso. Despues di a nota e auto sospechoso a bay mes ora na e sitio caminda esaki tabata para, pero e personanan cu tabata den e vehiculo ya a baha bay laga e auto atras. Den e area caminda e auto tabata para Polis y Wardacosta a haya varios pakete cu supuestamente tabata contene droga.
Avion di Wardacosta tambe a keda desplega pa bay en busca di e boto sospechoso den e area. En total a haya 22 pakete conteniendo un total di 713 kilo di droga, di cual 43 kilo marihuana y 670 kilo di cocaina, den mondi y riba lama.
Den e area Wardacosta a topa cu un boto cu a sink, cu probablemente a ser usa pa transporta e droga. Cuerpo Policial Corsou a confisca e paketenan di droga y lo sigui investiga e caso. E droga entretanto a ser destrui. Wardacosta lo sigui patruya pa asina controla e fronteranan maritimo di Corsou. E patruyanan lo vigila y proteha e fronteranan di transportenan di droga, traficacion di hende y di arma.
