(TMZ) – Eric Holder a ser declara culpabel den e asesinato di Nipsey Hussel, acto den cual el a duna un tiro fatal na e rapper y activista durante dia den aña 2019.
E hurado a boble back cu e veredicto den corte di Los Angeles diaranson, mas o menos 3 siman despues cu e huicio a cuminsa. El a ser declara culpabel di asesinato di prome grado.
Holder a herida dos otro persona durante e asesinato di Hussle, cual a causa cu el a ser declara culpabel di 2 caso di intento di herida otro persona boluntario, culpabel den 2 caso di asalto cu arma di candela y culpabel pa e posesion di un arma di candela. Loke si no a declara ta cu e ta culpabel di intento di asesinato pre-medita.
E detayenan di e asesinato brutal a ser delinea den comienso di e huicio, Deputy District Attorney John McKinney a conta e hurado cu Holder a scop Nipsey den cabes despues cu a yena su curpa di tiro, yamando esaki prueba cu e atake tabata personal. Despues el a bisa e rapper “bo ta cla,” na cual Nipsey a contesta “bo a gana.”
Entre e personanan cu a testigua tabata Bryannita Nicholson, ken tabata cu Holder e dia cu e asesinato a tuma luga. El a conta cu Holder a pidi su persona pa hib’e na e sitio di asesinato. El a mira cu Holder tabatin un arma y a tende tiro ora cu Holder a baha for di su auto.
Kerry Lathan, un di e personanan cu a ser herida durante e incidente, tambe a testigua durante e huicio aunke e no a conta hopi.
Holder a ser golpia mientras cu e huicio tabata andando na prizon, unda cu otro encarceladonan a ataka su persona mientras e tabata wardando pa ser transporta corte. E huicio a keda atrasa pa un dia pa causa di Holder su heridanan, cual a inclui un kap grandi patras di su cabes cual tabata rekeri punto.
