(LaPatilla/Descifrado) – Un estudio realiza pa e agencia Frances Ipsos entre lidernan di opinion na 12 pais Latinoamericano, entre reportero y columnista di diferente medio di comunicacion, a duna como resultado un grado di aprobacion di solamente 5% pa Nicolas Maduro.
Ademas di esaki, el a haya 92% di desaprobacion y solamente 3% di e encuestadonan a keda indeciso. Esun cu ta sigui Maduro den grado halto di desaprobacion ta e presidente Cubano, Miguel Diaz-Canel, cu 14% di aprobacion y 78% di rechazo. Un score hopi abao tabata tambe pa presidente di Peru, Pedro Castillo, cu apenas 15% di aprobacion.
Den e caso di e regimen di Nicolas Maduro, e crisis politico di 2019 a haci cu pa e tempo ey el a yega na su nivel di aprobacion mas abao, di apenas 3 %. Curiosamente, e ta un di e poco casonan unda e pandemia a sirbi pa recupera popularidad, alcanzando 8 % na september 2020. Desde e momento ey, cu e avance di e vacunacion y reanudacion di e agenda politico y economico paraliza, su cifranan a bolbe cay.
Di otro banda, esnan cu aprobacion halto ta lidera pa Luis Lacalle Pou y Gabriel Boric, di Uruguay y Chile, cu no solamente ta encabeza e lista, sino cu nan ta e unico dos paisnan considera democracia pleno pa e encuestadonan. Presidente di Uruguay Luis Lacalle Pou, tabatin e mihor cifranan, cu 74% di aprobacion, 14% di rechazo y 12% sin responde. Presidente Chileno, Gabriel Boric, ta sigui cu un porcentahe di aprobacion di 49% den su promer aña, contra 44% di desaprobacion y 7% sin indica opinion.
E estudio di Ipsos ta titula America Latina: aprobacion de sus presidentes, principales problemas y stuacion politica y economica. A consulta 297 lider di opinion di 12 pais Latinoamericano, entre periodista y columnista di diferente medio.
