(AP) — Un persona a tira bom di candela riba un centro di inmigracion den ciudad di Dover na Inglatera ayera, prome cu comete suicidio, segun oficialnan a bisa. Otro dos persona a keda levemente herida den e atake y mester a traslada 700 migrante.
Cuerpo policial di Kent a bisa cu “dos pa tres aparato incendiario” a keda lansa na e facilidad unda recientemente ta tuma migrantenan yegando na e pais, y dos persona a sufri “heridanan menor”.
Un fotografo noticiero na e escena a bisa cu un homber a yega cu auto y a tira tres bom di gas na e facilidad prome cu core na un pompstation cercano y comete suicidio.
Polis a confirma cu “a identifica e sospechoso, y masha lihe a ubik’e na un pompstation cercano, y a confirma su morto.” Polis a bis cu “a haya otro aparato y a confirma esaki safe den e vehiculo di e sospechoso.”
Dover ta e punto di yegada pa hopi migrante cu ta crusa e Canal Ingles for di Francia den boto chikito. E cantidad di hende cu ta haci e biahe peligroso door di un di e rutanan di nabegacion mas druk na mundo a aumenta drasticamente den añanan recien, cu 40mil alcansando Reino Uni te awo e aña aki, un aumento di e 28mil den henter 2021 y 8,500 na 2020.
Decenas a fayece, incluyendo 27 persona na november 2021 na momento cu un boto di traficacion a kenter. Reino Uni y Francia ta buscando solucion pa stop e gangnan di traficacion di hende cu ta organisa e biahenan. Gobierno Conservador Britanico a anuncia un plan controversial pa manda hende cu ta yega riba botonan chikito den un biahe one-way na Rwanda. Criticonan ta bisa cu e plan ta inmoral y impractico y ta retando esaki den corte.
Minister di Inmigracion, Robert Jenrick a bisa cu polis ta manteniendo e na altura di e incidente.
