(AP) — Gobierno Canades a anuncia ayera cu ta imponiendo sancion riba 35 Ruso mas den respuesta na e invasion Ruso di Ucrania, y tambe ta emitiendo bono cu individuonan por cumpra pa sostene gobierno Ucraniano.
Prome minister Justin Trudeau a bisa cu e grupo cu ta sancionando ta inclui lidernan di compania di energia estatal Ruso, Gazprom, y seis entidad di sector di energia.
“Mientras Rusia ta continua su agresion ilegal y no hustificable contra Ucrania, Canada ta bay continua sosteniendo gobierno Ucraniano y su pueblo”, Trudeau a bisa den un declaracion.
E Bono Soberano Ucraniano di cinco aña ta bay wordo ofreci na inversionistanan a traves di banconan Canades y e placa ta bay wordo transmiti na Ucrania mediante e Fondo Monetario Internacional.
Trudeau tabata na Winnipeg, unda e Congreso di Canades Ucraniano tabatin un reunion di tres dia.
