(Clarin) – Shane Cienfuegos a bira e prome persona den historia di Chile cu a ricibi un cedula di identidad no binario.
Cienfuegos, ken tin 29 aña ta e titular di area di Intervencion Social di asociacion Organisando Trans Diversidad di Chile. El a haya reconocemento despues di un bataya burocratico y hudicial cu a tuma nuebe aña.
E documento, cu ta identifik’e cu e letter X. E persona aki no binario no ta identifica su mes ni cu genero masculino ni femenino.
Na Latino America, Argentina ta e prome pais cu a reconoce tur persona no binario na juli di 2021, esun cu por solicita un cedula of un paspoort cu letter X. Despues Mexico y Colombia a sigui igual cu Chile, cu a reconoce a categoria aki na un cantidad chikito di persona cu a logra esey cu via hudicial.
Na nivel mundial entre e paisnan cu ta reconoce e yamada di tercer genero ta Australia, Canada y New Zeland.
E abogado di Cienfuegos, Lorena Lorca, a destaca cu ta trata di e prome caso na Chile cu ta conta cu un fayo di Corte di Apelacion pa ricibi un cedula cu e letter X, na un pais cu no ta reconoce legalmente e personanan no binario, el a agrega cu e ta procesando otro 60 caso similar, di e cual shete a haya un sentencia faborabel.
Cienfuegos a señala cu niun hende mester warda asina tanto tempo “pa haya reconocemento legal di algo cu bo ta”.Tambe el a expresa su preocupacion pa e politica di Estado Chileno pa motibo cu e ta afirma cu, ta dirigi solamente pa hende muhe y hende homber. “Mi ta keda priva di henter e sistema di cuido di e Estado.”
