E siman aki Aruba ta e cede pa cu e foro di Union Europeo riba e futuro di Overseas Countries & Territories Association (OCTA) y tambe e conferencia ministerial di OCTA.
Temanan poni riba agenda y cu hefe di estado, minister y representantenan di e paisnan miembro hunto cu funcionarionan halto di Union Europeo lo trata encuanto clima, sostenibilidad y principalmente, e futuro di e relacion entre EU y OCT despues di aña 2020.
E schedule di e siman aki ta consisti di diferente actividad grandi. Aruba ta ricibiendo delegacion di paisnan LGO rond mundo, ademas di comisario pa cooperacion y desaroyo Internacional pa Union Europeo, Neven Mimica. Riba e prome tabatin presencia di representantenan di 24 isla y ta spera cu den siman e cantidad aki lo aumenta te na rond di 300 participante.
E siman di “Islands of Opportunities” a cuminsa cu un tayer di nivel halto dialuna mainta caminda a papia riba e preservacion di biodiversidad di e OCT nan, asina gobierno ta informa den su relato. BEST ta un programa di Union Europeo cu ta facilita e financiamento pa proyectonan na bienestar di e biodiversidad na paisnan y estadonan miembro di OCTA. Un ehempel ta e proyecto di Parke Marino cu lo bin na Aruba. Riba e agenda di BEST tin como punto principal e continuacion di su existencia.
