(CuraçaoChronicle) – Prome minister di Corsou, Gilmar Pisas ta bay skirbi un carta na prome minister di Hulanda, Mark Rutte tocante e cancelacion di tur vuelo di KLM pa Corsou e winter aki.
Dunando nan input pa e carta aki ta e representante di sector di hospitalidad CHATA; comunidad comercial di Corsou, Curaçao Business Association (VBC); Camara di Comercio y Curaçao Airport Partners (CAP).
Nan intencion ta pa laga cla kico ta nifica si KLM ta opera solamente un vuelo pa dia te cu fin di maart, na lugar di e dos vuelo cu ta operando actualmente. Un calculacion rapido ta mustra cu ta bay perde mas di 30mil asiento. E sector priva ta spera un perdida di entrada di al menos 60 miyon florin.
E carta mester resulta den e reversion di e decision di KLM, loke ta e resultado di e problemanan na e aeropuerto principal di Hulanda, Schiphol. Sinembargo, sector priva ta kere cu e cancelacion di e segundo vuelo ta e resultado di e apertura di Hapon, cu awo por bula atrobe. E 777-300 cu 320 asiento cu ainda ta bulando na Corsou ta bay ser usa pa e ruta na Hapon, segun e sector ta indica.
