(NLTimes) – Rey Willem-Alexander, Reina Maxima y Prinses Beatrix lo ricibi 646,000 euro extra como zakgeld den e aña aki compara cu aña pasa. E famia real “no tin influencia” riba e aumento di e zakgeld aki, Rey Willem-Alexander a bisa na prensa Hulandes despues di su bishita na Suecia. E no a duna comentario riba e indignacion pa cu e aumento aki.
E presupuesto di aña 2023 presenta den September a bisa cu e gobierno a pone den presupuesto 50.2 miyon euro pa e famia real. Parti di esaki ta salario y e otro parti ta zakgeld. E servicio pa informacion di gobierno RVD a splica cu e aumento aki ta parcialmente pa motibo cu e beneficio constitucional di e famia real ta “sigui e moda”, cual ta nifica cu e famia real su ingreso ta den linea cu esun di e personanan civil.
Den combersacion cu e prensa, e Rey a bisa cu tin “hopi discusion pa cu e topico aki tur aña” pero esaki no tin influencia riba e cantidad di beneficio. E ta di acuerdo cu e por bisa algo tocante e indignacion cu tin riba e cantidad di e aumento, sinembargo el a nenga di haci esaki. Reina Maxima a bisa cu e ta compronde e sentimentonan di e pueblo pero cu ta trahando riba solucionnan pa e personanan den lucha y companianan tambe. “Proximo luna nos lo bay companianan pa mira con nan por yuda nan empleadonan di un miho manera,” e Reina a comenta.
Prinses Amalia anteriormente a nenga un beneficio na cual e tin derecho. Den juni di aña 2021, Amalia a anuncia cu e lo bolbe paga e 300,000 euro cu el a ricibi pa mientras e ta studia. Den un carta
