(NLTimes) – 12 provincia na Hulanda a haci acuerdo cu e Gabinete pa desaroya y construi mas di 917,000 cas nobo pa fin di aña 2030. Minister di Vivienda Hugo de Jonge a bisa esaki diahuebs. Mas di un kwart di esaki lo ser considera accesibel.
“Esaki lo ser logra pa medio di e construccion di 350,000 vivienda pa huur y casnan ocupa pa doño den e sector medio y 250,000 vivienda pa huur social,” e ministerio a bisa den un declaracion. “Esaki tambe ta contribui na e meta di logra 30% di vivienda social pa cada municipalidad.”
Anteriormente, De Jonge a defini e huur di mercado medio cu un maximo di mas o menos 1000 euro, cu e prijs di e casnan poni na 355,000 euro. Desde e tempo aki, a ser anuncia cu National Mortgage Guarantee su limite lo aumenta na 405,000 euro, cual tambe ta hisa De Jonge su definicion di “accesibel” na 50,000 euro.
Den acuerdonan separa cu e provincianan, Zuid-Holland a keda ariba den e lista, primintiendo cu lo construi 235,000 casnan nobo. Otro 3 provincia a bisa cu tin plan di por lo menos 100,000 cas, incluyendo Noord Holand cu 183,600, Noord-Brabant cu 130,600 y Gelderland cu 100,000 cas. Drenthe tabatin e cantidad mas abao cu 13,600.
