(TMZ) – Gisele Bundchen ta purbando di sinti miho despues di separa di su casa, Tom Brady, bishitando un sanador spiritual pa recupera.
E supermodelo a bishita Dr. Ewa ultimo weekend na Florida, bistiendo un cadena di oracion na su nek y cargando un caha di Amazon na caminda pa su intervencion spiritual.
Ewa a yega cargando un Tupperware yena cu sopi geel, y dos copi.
Un biaha mas Gisele no tabatin su renchi di matrimonio bisti. E no ta bistiendo esaki recientemente, pero mester nota cu casi nunca e tabata bistie, hasta tempo cu ainda e tabata cu Tom.
Manera TMZ a reporta, Gisele recientemente a separa di Tom, declarando cu nan matrimonio a yega su fin. E tabata menasando di divorcia di Tom varios biaha durante añanan, cu futbol como e problema central. Gisele ta bibando na Miami mientras Tom ta hungando otro temporada di NFL na Tampa, y por a mira Gisele bayendo gym hopi frecuentemente, hasta hibando su yiunan na un sesion di ehercicio memey di su buskeda pa un abogado di divorcio.
Ehercicio ta bon pa hende cu ta pasando den terminacion di un relacion, y aparentemente, Gisele ta sinti cu sesionnan di sanacion spiritual tambe ta bon.
