(CuraçaoChronicle) – Polis di Corsou no tin nan propio monitoreo di integridad den orden. Esaki segun e Conseho di Cumplimento di Ley. E Conseho a ehecuta investigacion riba e forma con e cuerpo di polis ta examina su propio integridad y ta tuma un maneho di disciplina.
E Conseho ta nota cu no ta cumpliendo cu condicionnan esencial manera nan ta delinea den e Ley Nacional di polis. Por ehemplo, tin falta di training continuo di integridad, y no ta haci casi ningun chekeo, y polis no ta haci nada pa cu identificacion trempan y prevencion.
Ademas, ta mustra cu e sistema di sancion pa e cuerpo di polis no ta transparente y no ta ofrece seguridad legal.
Un fayo serio ta cu e ministernan di Husticia no semper ta tuma decisionnan na tempo pa un castigo disciplinario. Den practica, esaki ta nifica cu algun ofensa ta keda sin consecuencia, pasobra no ta impone ningun castigo disciplinario.
Agentenan di polis cu a comete un ofensa pa cual mester a haya retiro ta permiti pa bolbe den servicio.
