(NLTimes) – Alcalde di Amsterdam Femke Halsema ta kere cu Europa mester decriminalisa e benta di cocaina, manera varios pais cu ya caba a permiti e benta di cannabis.
“Sinembargo mi ta realista, y mi sa cu tin tiki sosten politico pa medidanan aki,” el a bisa na comienso di un congreso tocante crimen organisa. E ta kere cu paisnan mester mira uso di droga di manera diferente.
“Laga nos enfrenta e hechonan; E guera riba droga no ta funcionando. Confisca droga no ta funcionando. Un regulacion pa cu cocaina no ta riba mesa tampoco. Mi ta spera cu nos por keda di acuerdo cu nos por formula un strategia alternativo,” Halsema a bisa na e congreso organisa pa Minister di Husticia Dilan Yeşilgöz-Zegerius. Ministernan di Husticia y Asuntonan Interno, of nan representantenan for di Belgica, Francia, Alemania, Italia y Spaña tambe tabata presente.
Segun e alcalde, e manera pa trata cu droganan mester consisti di 3 parti. “Nos mester reduci violencia y e cantidad di arma riba caya. Nos mester brinda sosten economico y desaroyo social na cierto districto y bario. Tambe nos mester mapa, stroba y corta cualkier fluho di placa cu ta illegal.” Mas adelante, el a argumenta cu mester mas cooperacion entre gobiernonan Europeo y ciudadnan pa motibo cu esaki ta unda labamento di placa ta tuma luga.
Halsema a enfatisa cu gobiernonan mester permiti cuerpo policial combati criminalnan. El a papia tocante e asesinato di Peter R. de Vries, abogado Derk Wiersum, testigo principal Nabil B. su ruman homber Reduan y e asesinato pa causa cu a confundi su identidad di e hoben Mohammed Bouchiki. Segun Halsema, e asesinatonan aki a sali den noticia, pero nan ta solamente e punta di e sero.”
