(AP) — Un actor Mexicano a keda condena na South Florida riba diamars di dal fatalmente un homber durante un confrontacion pa motibo di rabia riba caminda, conoci como “road rage”.
Un hurado di seis persona den circuito di condado Miami-Dade a haya Pablo Lyle di 35 aña culpable di homicidio, segun documentonan di corte. E ta enfrentando un maximo di 15 aña den prison.
“Dos bida a keda destrui pa rabia simple riba caminda, un situacion cu nos ta mira demasiado frecuentemente riba nos cayanan rond di e pais”, fiscal di estado Miami-Dade, Katherine Fernandez Rundle a bisa den un declaracion.
Prome cu su aresto na Merca, Lyle tabata strea di varios telenovela di Televisa y un show di crimen riba Netflix yama “Yankee”. Su prome rol mayor tabata como strea di “La sombra del pasado”.
Lyle a bisa cu el a actua den defensa propio y tabata purbando di protege su yiunan na maart 2019, ora cu el a dal Juan Ricardo Hernandez di 63 aña di edad durante un confrontacion na un interseccion di Miami.
Hernandez, kende no tabata arma, a sufri un herida traumatico di cerebro y a fayece cuatro dia despues na un hospital.
