(NLTimes) – Twitter no mester rastrea y kita tur publicacion cu ta menciona e conspiracion Bodegraven, corte a declara diamars den procedencia sumario cu e municipalidad Hulandes a entrega contra e compania.
Segun e corte, no tin manera pa Twitter por cumpli cu Bodegraven su demanda, AD a reporta.
“Twitter a haci suficiente dentro di nan capacidad pa kita tur mensahe contra ley tocante e storia di Bodegraven. E ta pidi dimas pa exigi cu mester kita e publicacionnan mas bieu, specialmente pa motibo cu segun Twitter, no tin un manera cu por traha un bon filter. Tambe esaki lo afecta varios publicacion cu tabata legal,” e corte a declara.
E teoria di conspiracion a bisa cu tin un red di persona den e municipalidad di Bodegraven cu tin tempo ta abusa sexualmente di hobennan desde aña 1980 como parti di un ritual. E acusacion aki sin base a genera popilaridad durante e pandemia di coronavirus ora cu e personanan cu a plama e teoria a bisa cu director di RIVM Jaap van Dissel tabata parti di e “red elite” aki. E storia aki ta basa riba e “memorianan” di e teoristanan di conspiracion y ex residente di Bodegraven Joost Knevel.
Cuerpo policial y media extensamente a investiga e acusacionnan pero no a haya ningun evidencia.
Bodegraven anteriormente a gana un demanda unda cu corte a ordena e personanan principal den e teoria aki, Joost Knevel, Micha KAt y Wouter Raatgever kita nan publicacion tocante e municipalidad. Den e procedencianan aki, entrega den September, e municipalidad a pidi pa Twitter activamente busca e usuarionan cu ta plama e teoria y elimina e publicacionnan aki. Segun e municipalidad, localnan ta sigui sufri pa causa di e plamamento di e conspiracion aki.
Twitter a haya cu e municipalidad su peticion no ta propociona. “Loke e municipalidad ta haciendo ta buscando hende pa tira,” e compania su abogado a comenta den september.
