(NLTimes) – E prijs pa un ticket di servicionan di transport publico na Hulanda ta hopi probabel di aumenta significantemente proximo aña.

Pasaheronan lo mester paga te hasta 7 porciento mas otro aña pa haci uso di bus, tram of metro. E personanan cu ta haci uso di trein por premira un aumento di por lo menos 3 porciento pa cada ticket cumpra na NS pa su rutanan mas popular, segun RTL Nieuws. Otro rutanan di NS y pasenan di descuento posiblemente por mira un aumento mas halto.

Un aumento significante ta necesario pa asina cubri e gastonan di aumento di salario, cual por aumenta cu 3.8 porciento. Adicionalmente, e costonan di electricidad ta dos tercer biaha mas caro, cu gas birando 79 porciento mas caro, y diesel cu aumento di un tercer parti di e prijs.

E noticiero a bisa cu e aumento di 7 porciento a ser dicidi pa e representantenan di consumidornan y operadornan di transito regional yama DOVA. Entre e organisacion su miembronan tin sistemanan di transito publico na Amsterdam, Rotterdam, Den Haag, Groningen y Drenthe. E averahe te ainda no a ser oficialisa y politiconan te ainda mester keda di acuerdo riba un prijs pa e aumento.

DOVA ta calcula un indice tur aña tumando na cuenta varios factor, manera inflacion, prijsnan di energia y salarionan. “Ultimamente, e indice aki ta un conseho pa organisacionnan di transito regional. Despues e ta keda na e politiconan, e provincia y regionnan di transport pa determina te na ki extento e indice aki ta pasa den e prijs pa e ticketnan,” vocero di DOVA a conta De Telegraaf.

Aunke gruponan di consumidornan no tabata contento cu e aumento drastico aki, na final nan a keda di acuerdo cu esaki, segun loke e noticiero a reporta. “Tur aumento ta contra-productivo pa gana pasaheronan back despues di e pandemia di coronavirus y atrae pasaheronan nobo,” Johan Kruithof, ken ta presidente di e grupo a bisa den representacion di e organisacionnan di consumidor regional.

NS no por aumenta e prijs di ticket mas cu cierto figuranan specifico basa riba inflacion. Esakinan ta inclui algun trip di segundo clase, pase anual di segundo clase y pasenan mensual riba rutanan specifico. Tambe esaki ta inclui S su porcion anual di pasenan pa transport publico cu ta permiti varios proveedor duna servicio.