(NLTimes) – Polis su oficina di monitor linea telefonico ta funcionando asina malo cu investigacionnan ta den riesgo, NRC a reporta basa riba informacion di oficialnan.

Un sistema nobo cumpra pa miyones di euro 3 aña pasa no a traha desde cu el a cuminsa, cual ta haci cu nan ta sigui usa nan sistema bieu cu regularmente ta stop di traha. E oficina di monitor linea telefonico ta un sistema di deteccion crucial na e curason di e organisacion di polis. Tur comunicacion intercepta ta bini hunto aki.

Den januari di aña 2019, cuerpo policial a cumpra un sistema nobo pa maneha e intervencion di linea telefonico for di e compania di defensa Israeli Elbit. E sistema supuestamente ta colecta, warda y haci data facilmente accesibel. Pero e sistema no a traha desde cu el a ser cumpra segun e corant.

Pa e siguiente 3 aña, cuerpo policial, Elbit y otro tecniconan tin tempo purbando di drecha e sistema nobo aki. Empleadonan di Elbit ta permanentemente presente na e oficina en cuestion na Driebergen. No tin un solo componente cu ta operacional. “Elbit a bende un sistema cu por haci tur cos. Pero e no ta haci nada y e no kier traha. No ta por nada Belgica a tira e sistema aki afo caba,” un miembro di polis involucra a bisa na NRC. “E problema no ta solamente e tecnologia sino tambe e organisacion. E ta tocante deteccion, y e maneho no ta compronde esaki.”

Pa motibo cu Elbit su sistema no ta trahando, cuerpo policial ta depende di esun bieu y e sistema Israeli. Ora e sistema aki a ser cumpra den aña 2010, intervencion di e linea telefonico tabata nifica cu bo ta tende e conversacionnan. E sistema aki no ta traha pa intercepta e data di smartphone cu ta hopi mas compleho y e aplicacionnan cu ta depende di nan.

E hecho cu cuerpo policial te ainda por maneha comunicacion criminal e tin di haber cu diferente sistema cu e cuerpo policial a ser desde aña 2010. E sistema, yama Replay y desaroya pa compania di siguridad Hulandes Fox-IT ta specificamente pa analisa trafico di data compleho.

E problema cu Replay ta cu e nunca a trata cu Tweede Kamer, parti di parlamento Hulandes. De hecho, nan a tende di Minister di Husticia y Siguridad cu ta imposibel pa Hulanda desaroya su mesun sistema pa intervencion di linea telefonico segun e corant.

Replay desde e tempo aki no ta den aire mas, cual ta nifica cu cuerpo policial solamente tin e sistema di aña 2010 pa traha cune.